Каратэден тұңғыш әлем чемпионы Мөлдір Жаңбырбай елге оралды

Қазақстан тарихында тұңғыш рет каратэден әлем чемпионы атанған Мөлдір Жаңбырбай елге оралды.

Мажарстанның Будапешт қаласында ересектер арасында өткен әлем чемпионатында Мөлдір ең алдымен, Алжир спортшысын, одан кейін Жапон және словакиялық каратэшіні айқын басымдықпен жеңді. Ал жартылай финалда Венесуэла каратэшісін 11- 3 есебімен жеңіп, финалға жолдама алды.

Мөлдір Жаңбырбай, каратэден әлем чемпионы:

Мен үшін жарысты екінші айналымнан бастасам да, 5 жекпе-жек өткіздім. Финал мен үшін салыстырмалы түрде жеңіл болды десем де болады. Есеп 5-те 6 болғанымен қатты шаршап, қиналдым деп айта алмаймын. Бәрі жақсы болды.

Әйгерім Ердәулет