Нетаньяху: Газаны оккупациялау жоспарда жоқ

Израиль Хамасты жеңгеннен кейін Газа секторын басып алуды немесе басқаруды жоспарлап отырған жоқ. Премьер-министр Биньямин Нетаньяху осылай деп мәлімдеді.

Дегенмен қарулы топтан төнген қауіпті болдырмау үшін анклавқа сенімді күштер кіруі тиіс деді. Алайда ол қандай күштер екенін ашып айтқан жоқ.

Бұған дейін Нетаньяху Израиль белгісіз мерзімге Газаның қауіпсіздігін өз мойнына алады деген еді. Оның бұл мәлімдемесі көпшіліктің сынына ұшырады. АҚШ болса, Газа секторы палестиналықтардың бақылауында болуға тиіс екенін алға тартты.

Арай Төлегенқызы