АҚШ пен Қытай президенттері сәрсенбіде кездеседі

АҚШ президенті Джо Байден мен Қытай төрағасы Си Цзиньпин алдағы сәрсенбіде кездесетін болды. Бұл мәліметті Ақ үй әкімшілігі растап отыр. Әлемнің ең ірі экономикаларының жетекшілері Калифорнияда жүздесіп, сауда-саттық, Тайвань проблемасын және шиеленіскен өзара қатынастарды талқылайды.

Қытай сыртқы істер министрлігі хабарлағандай, Си Цзиньпин Құрама Штаттарға сейсенбі күні аттанып, Сан-Францискода Азия-Тынық мұхит экономикалық ынтымақтастығы ұйымының саммитіне қатысады. Екі лидер кездесуі сол жиын аясында өтейін деп отыр.

Арыстан РЫСБЕК