Қазақстанның басты футбол стадионы «Астана Арена» жабылады

Қазақстанның басты футбол стадионы «Астана Арена» жабылатын болды. Бұл туралы Астана қаласының әкімі Жеңіс Қасымбек мәлімдеді. Сонымен бірге «Алау» мен ипподром сияқты түрлі спорт кешендері де жөндеу жұмыстарына байланысты уақытша қызмет көрсетпейді. 

Жоспар бойынша жөндеу желтоқсан айында басталады. Шаһар басшысы келесі жылдың маусым айына дейін жұмыстарды аяқтаймыз деп жоспарлап отыр. Себебі 2024 жылғы қыркүйекте Дүниежүзілік көшпенділер ойындары болады. Сондықтан спорттық инфрақұрылымды белсенді түрде дайындап жатырмыз, деді Жеңіс Қасымбек. Айтуынша, мердігер әлі анықталмаған, қазір жобалау жұмыстары жүріп жатыр. Жөндеу құны да әлі белгісіз.

Асылбек Данияр