Алматылық тәртіп сақшылары жүргізушілерді қауіпсіздік шараларын күшейтуге шақырды

Ауа райының нашарлауына байланысты алматылық тәртіп сақшылары, жүргізушілерді қауіпсіздік шараларын күшейтуге шақырды. Жол ережелерін қатаң сақтау қайғылы жағдайдың алдын алады. Сондай-ақ, жазғы дөңгелегін ауыстырмаған жүргізушілерге айыппұл салынатынын да ескертті. Яғни, көлік тізгіндегендер 1-желтоқсанға дейін темір тұлпарын қысқа дайындауы керек. Олай болмаған жағдайда, ең төменгі айыппұл 17 250 теңге болады. Егер дәл осы жағдай бір жылда қайталанса, екі есе айыппұл төлейді.