Үндістанда 17 күн бойы жер астында қалған 41 жұмысшы құтқарылды

Бұл Үндістанның солтүстігінде қапаста қалған 41 жұмысшыны құтқарған сәт. Жұмысшылар 17 күнін жер астында өткізді. Гималай аймағында құрылысы аяқталмаған туннель қарашаның 12-де опырылып түсті. Содан бері жұмысшыларға азық-түлік, оттегі, дәрі-дәрмек болат құбыр арқылы жеткізіліп отырған. Құтқару операциясы 400 сағатқа созылды. Туннелдің аузын жауып қалған үйіндінің басым бөлігі бұрғымен тесілді. Ал қалғанын қолмен қазып, жұмысшылардың сыртқа шығатын жолын ашқан. Қапастағылар осы күнге дейін йогамен айналысыпты.

Вишваджит Кумар, құтқарылған жұмысшы:

Біз үшін алғашқы 15-20 сағат өте қиын болды. Азық-түлік пен су осынша уақыттан кейін жіберіле бастады. Сол үшін құбыр тартылды. Ал он күннен кейін жеміс-жидек ала бастадық. Туннелдің ұзындығы – 4 жарым шақырым. Арасында серуендеп тұрдық.

Арыстан Рысбек