Алматы облысында оқушылар жаппай төбелесті

Алматы маңында оқушылар арасында жаппай төбелес тіркелді. Облыстық полиция департаментінің мәліметінше, тәртіпсіздік Іле ауданына қарасты, Жәпек батыр ауылының мектебінде болған. 9-шы және 10-шы сынып оқушылары бір-біріне жұдырық жұмсаған. Екі бала зардап шегіп, біреуі жеңіл жарақат алған. Қазір осы оқиға ізімен Қылмыстық Кодекстің «Бұзақылық» бабы бойынша іс қозғалды. Оқушылармен психологтар жұмыс жүргізіп жатыр.

Қуан Нұрақын