Жетісу облысында қызылшаға қарсы екпе қызу жүріп жатыр

Жетісу облысында қызылшаға қарсы екпе қарқынды жүріп жатыр. Дәл қазір өңірде он мыңнан астам адамға аурудың осы түріне қарсы вакцина салынды. Жалдпы облыста бұл дертке шалдыққандар саны 550-ден асқан. Олардың дені 5 жасқа дейінгі балалар. Қызылша өңірдің барлық аудандарында тіркеліп отыр. Аурудан сақтанудың бірден бір жолы – уақытылы вакцина салдыру, - дейді мамандар.

Асхат Шарапиев, Жетісу облыстық санитариялық-эпидемиологиялық бақылау департаментінің басшысы:

Қазір сіздер және балалар ауырмай жүрсе, ол бізде бұрыннан келе жатқан топтық иммунитеттің барлығының арқасында кейбір адамдар ауырмайды. Бірақ ол жылдан жылға азайып жатыр. Сондықтан біз топтық иммунитетті қалыптастыру үшін халықтың 95 пайызын қамтуымыз қажет.

Қуаныш Қанатұлы