Астанада жылу тарифі қымбаттауы мүмкін

Астанада жылу тарифі қымбаттауы мүмкін. Компания бағаны 25 пайызға дейін өсіруді сұрап отыр. «Астана-Теплотранзит» өкілдері мұны электр энергиясының қымбаттап, техникалық шығындардың көбейгенімен байланыстырады. Сондай-ақ, тарифті көтеру арқылы қызметкерлердің жалақысын өсірмек. Алайда сарапшылар қызмет көрсетуді қымбаттатқанмен, жылу орталықтарындағы мәселе түбегейлі шешілмейді деп есептейді. Ол үшін монополист компанияларды азайтып, мұндай нысандарды жекешелендіру қажет, деді экономист Бауыржан Ысқақов.

Бауыржан Ысқақов, экономист:

Өздерінің жылу жүйелерін жөндегілері келетін болса, жалақыларын көтергісі келетін болса, онда мына өркениетті мемлекеттердегідей өздерінің акцияларының 10-15 пайызын халықтық айпиоға айналдырып, содан сатқан, содан түскен түсімдерді сондай модернизацияға жұмсалуы керек. Немесе тозу сияқты мәселелерді шешуге. Біздегі халықтың шығындары табыстың басым бөлігі осы коммуналдық шығындар несиеге кетіп жатқан жағдайда, осыны бір тығырықтан шығудың тиімді жолы деп айта алмаймыз.