Шымкентте шатыр құлап, студент қайтыс болды

Шымкентте қараусыз қалған мәдениет үйінің шатыры құлап, үйінді астында қалған студент көз жұмды. Апат ғимараттың үшінші қабатында болған. Сол сәтте іште жүрген үш бозбаланың екеуі қашып үлгерген. Қазір мамандар болған жәйттің себеп-салдарын анықтап жатыр. Жергілікті билік өкілдерінің айтуынша, қараусыз ғимаратқа жастар жиі келетін болған. Таяуда сол ғимаратта телехикая түсірілімі де жүргізілген. Бұрын жекеменшік иелігінде болған нысан осыдан бір ай бұрын сот шешімімен мемлекет меншігіне қайтарылып, қайта жөндеу жұмыстары басталған.

Ғани Қалмаханов