Газа секторында қаза тапқан палестиналықтар саны 20 мыңға жуықтады

Газа секторында Израиль әскерінің шабуылдарынан қаза тапқан палестиналықтардың саны 20 мыңға жуықтады. Мұны Газа денсаулық сақтау министрлігі хабарлады. Оның дерегінше, бұл адамдар негізінен екі жарым ай бойы таңдаусыз жасалған әуе соққыларынан мерт болды.

 Сонымен қатар 52 мыңнан астам адам жараланған. Ал Біріккен Ұлттар ұйымының мәлімдеуінше, Израильдің бомбалау операцияларынан Газа инфрақұрылымының 60 пайызы жойылып немесе зақымданып, 2.3 миллион тұрғынның 90 пайызы үйлерін тастап кетті.

Арыстан Рысбек