Қазақстандық велошабандоз Таиландта өткен жарыста қола ұтты

Қазақстан велоқұрамасы маусымның алғашқы қола медалін қоржынына салды! Таиландта өткен маунтинбайк жарысында Алина Сарқұлова үшінші орынға ие болды. 22 жарым шақырымдық дистанцияны ол 1 сағат, 24 минутта жүріп өтті. 24 жастағы спортшымыз кросс-кантри Олимпик дисциплинасы бойынша бабы мен бағын сынады.

Айта кетейік, бұл – тау велоспортындағы жоғары дәрежелі дисцилиналардың бірі. 4 жарым шақырымдық айналымды қазақстандық велоспортшы 5 рет айналумен қоса, түрлі белестерді бағындыруы тиіс болды.