Шымкентте екі қылмыстық топ қолға түсті

Шымкент қаласы мен Павлодар облысында жастардан құрылған 2 қылмыстық топ ұсталды. 5-6 адамнан жасақталған топ мүшелерінің жасы 18 бен 24 аралығында. Олар адамдарды қорқытып, ақшасын тартып алып отырған. Алаяқтық және ұрлықпен айналысқан. Ішкі істер министрлігі өкілінің айтуынша, қылмыстық топ мүшелері негізінен жатақханада, ойын-сауық орталығында жүрген өз қатарластары мен оқу орындарының студенттерін бопсалаған. Оларды қорқытып, аттарына онлайн несие рәсімдеткен немесе бағалы тауар алғызған. Полиция топ мүшелерінің барлығын қамауға алды. Қазір тергеу жүріп жатыр. Күдіктілер 3 жылдан 7 жылға дейін бас бостандықтарынан айырылуы мүмкін.

Ғани Қалмаханов