Шымкентте үгіт-насихат жұмыстарына 85 миллион теңге бөлу жоспарланған

Шымкенттің жергілікті билігі LED-экран мен насихат жұмыстарына 85 миллион теңге жұмсамақ. Тапсырыс беруші – қалалық ішкі саясат және жастар ісі басқармасы. Қаралған ақшаның 62,5 миллион теңгесі мемлекеттік бағдарламалар, стратегиялық даму бағыттары мен әлеуметтік саясатты насихаттау, түсіндіру мақсатындағы материалдарды әзірлеуге және оларды орналастыруға бағытталады. Ішкі саясат және жастар ісі басқармасы мемлекеттік сатып алу порталында сондай-ақ тағы бір лот жариялаған. Ол бойынша мегаполистің тыныс-тіршілігі туралы аппараттың бейнероликтері әзірленеді. Қала көшелеріндегі LED экрандарда көрсетілетін бұл материалдарға 22 миллион теңге бөлінбек.

Ғани Қалмаханов