Отандық ғалымдар азық-түлік өнімдерін байытуға арналған қоспа әзірледі

Қазақстандық ғалымдар азық-түлік өнімдерін байытуға арналған биологиялық белсенді қоспа әзірлеп шығарды. Жоба гранттық қаржыландыру арқылы жүзеге асырылуда, жыл соңына дейін толық аяқталады. Қазір мамандар қоспаны сынақтан өткізіп жатыр. Әзірге, сүт және ет өнімдеріне тәжірибе жасалған. Ғылыми жоба жетекшісінің айтуынша, қоспа тағамның жарамдылық мерзімін ұзартуға септігін тигізеді. Бұл әсіресе, азық-түлік өнімдерін өндірушілерге қажет дүние болмақ. Бұдан бөлек, қарт адамдардың сүйегін қатайтуға да, пайдасы орасан. Денсаулыққа пайдалы белсенді биологиялық қоспа түрлі аурудың алдын алу үшін болашақта таблетка болып шығуы мүмкін.

Қадыржан Мақанғали, ғылыми жобаның жетекшісі:

Биологиялық активті қоспа өсімдік, шикізат негізінде жасалып жатыр. Оның ішінде портула және ирга жидектері негізінде жасалып жатыр. Қазіргі таңда бірініші алынған нәтижелер бойынша портулак өсімдігі күшті антиоксиданты күшті қасиетке ие болып тұр. Салыстыратын болсақ, бұл С витаминінен антиоксидант қасиеті 7 есе жоғары.

Асылбек Данияр