Қостанай облысында жергілікті органдар жолда қалған тәжік азаматтарына көмек көрсетті

Қостанай облысының Рудный-Қашар бағытында жолда қалған Тәжік азаматтарына жергілікті органдар көмек көрсетті. Шетелдіктер мінген автобустың жүргізушісі рөлге ие бола алмай, соның салдарынан көлік жол жиегіндегі үйілген қарға батып қалған. Автобус ішінде 58 адам болды, оның жетеуі бала. Төтенше жағдай қызметі мен жергілікті атқарушы орган өкілдері жолаушыларды Рудный қаласына әкеліп жылы жерге орналастырды. Ыстық тамақпен қамтамасыз етті. Ешкім зардап шеккен жоқ. Көп кешікпей арнайы техника көмегімен автобус қар құрсауынан шығарылып, шетелдік қонақтар сапарын жалғастырды.

Дәуренбек Әбдібек