Басты Жаңалықтар Сауд Арабиясы құрылған күнін атап өтіп жатыр

Сауд Арабиясы құрылған күнін атап өтіп жатыр

Сауд Арабиясы бүгін өзінің құрылған күнін атап өтіп жатыр. Бұл корольдіктің негізін 1727 жылы ақпанның 22-де имам Мұхаммед бин Сауд қалады.

Сауд Арабиясы Таяу Шығыста орналасқан және ол Араб түбегінің басым бөлігін алып жатыр. Сонымен қатар, Саудия - жер көлемі жағынан Азияның бесінші ірі мемлекеті. Оның халқының саны 36 миллионға жақындап қалса, жалпы ішкі өнімі 833 миллиард доллардан асып отыр.

Тағы бір айта кететін жайт – Сауд Арабиясы әлемдегі екінші ірі дін – Исламның отаны. Ал осы монархияның Қасиетті Мекке мен Мәдина шаһарлары орналасқан Хиджаз аймағына қажылыққа жыл сайын дүниенің түкпір-түкпірнен миллиондаған мұсылман баратын белгілі.

Арыстан Рысбек


Бөлісу