О.Бектенов: Су тасқынынан зардап шеккендерге көмек көрсетіледі

Су тасқынынан зардап шеккендерге Үкімет тарапынан көмек көрсетіледі. Солтүстік Қазақстан облысына жұмыс сапарымен барған Олжас Бектенов осылай деді. Бүгінде өңірдегі 87 елдімекенде су тасу қаупі бар. Осыған байланысты Премьер-министр, Петропавл және Сергеев су торабының қазіргі жағдайын тексеріп, бірқатар тапсырма берді. Апатты жағдайдағы көпірлердің мәселесін шешу үшін жол қозғалысын реттеу жағы қарастырылды. Үкімет басшысы өңір әкімдігіне жағдай ушыққан жағдайда, жедел әрекет етуді тапсырды. Қазір еліміз бойынша бірнеше республикалық және облыстық жедел штаб жұмыс істеп тұр. Оған 4 мыңға жуық адам мен 1 300-ден астам техника жұмылдырылған.

Олжас Бектенов, ҚР Премьер-Министрі:

Қазір өздеріңіз білесіздер, су тасқыны болып жатыр кейбір өңірлерде. Қазір жеке құрам, техника бәрі жұмылдырылды. Бірақ, жағдай күрделі. Барлық жұмыстар жүргізіліп жатыр. Зардап шеккен адамдарға көмек көрсетіледі. Үкіметтің көмегінсіз, назарынсыз ешкім қалмайды. Сондықтан Солтүстік Қазақстанда да осындай шаралар қабылдануда.

Самал Қабышева