Су тасқынына қатысты 28 жалған ақпарат тараған

28 жалған ақпарат. Мәдениет және ақпарат министрлігі осынша ақпаратты жалған деп таныды. Шындыққа жанаспайтын деректер әлеуметтік желі мен кейбір бұқаралық ақпарат құралдары арқылы тараған. Фейкті уәкілетті орталық пен жергілікті әкімдіктегілер теріске шығарады. Сондықтан, мамандар жалған ақпараттың жетегінде кетпеуге шақырады. Нақты дерек жауапты мекемелердің ресми парақшаларында жарияланатынын еске салады.

 Қанат Ысқақов, ҚР Мәдениет және ақпарат министрінің орынбасары:

Мысалы, Ақтөбеде су қоймасының шлюздерін ашу туралы әлеуметтік желіде жалған ақпарат тарады. Мәліметті облыс әкімдігі дер кезінде теріске шығарды. Жалпы, жалған ақпараттар стратегиялық нысандарға қатысты жиі тарайды. Сондықтан күдік тудыратын, тексерілмеген мәліметпен бөліспеуге кеңес береміз.

Самал Қабышева