Қостанай облысында екі жүзге жуық үй қалпына келтіруге жарамсыз

Қостанай облысында тасқынның қарқыны бәсеңдеп, шығынды есептеу жұмыстары жүріп жатыр. Күні бүгінге дейін су кірген 353 үй тексеріліп, оның 150-ден астамы жөндеуге келетіні анықталды. Ал 200-ге тарта баспана мүлде қалпына келтіруге жарамайды. Бүлінген үйді жөндеуге қаржы бөлінеді. Жарамсыз күйге түскендерінің орнына жаңасы салынады. Тасқынның салдарынан өлген мыңға тарта түліктің өлексесі табылды. Оның 200-ден астамының иесі анықталып, төлем беріле бастады. Бұл жұмыс әлі де жалғасады.

Жұматай Кәкімжанов, облыс әкімінің баспасөз хатшысы:

 Енді әлеуметтік төлемге келсек, бүгінгі таңда 1345 өтініш түсті. 715 өтініш бойынша 166 млн теңге төленді. Өтініштерді қабылдау жалғасуда.

Дәуренбек Әбдібек