Жетісулық қандастар қор жинап, Құлсарыға 10 киіз үй жіберді

Жетісулық қандастар қор жинап, Атырау облысы Құлсары қаласына 10 киіз үй жіберді. «Су басқан өңірдегі баспанасыз қалған ағайынға, аз да болса қолдау көрсетпек ниет»,- дейді кәсіпкер Жарқын Қайса. Темірден тоқылған мұндай киіз үйлер, жылдам құрастырылады. Әр шаңырақтың ішіне және сыртына қажет жабдықтары заманауи материалдардан тоқылған. Су мен жел өткізбейді. Мұқыры ауылында шығарылатын дәл осындай киіз үйлер, өткен жылы Түркияға да жіберілген болатын. Ол кезде зілзаладан зардап шеккен түрік бауырлар, 34 боз үйді паналады. Қандастар, алдағы уақытта су тасқынынан үйсіз қалған азаматтарға тағы да киіз үй жөнелтуге дайын екендіктерін жеткізді.

Жарқын Қайса, ауыл тұрғыны:

Бір жағымыз халық сонша қиналып жатса біз бұл жерде тыныш жата алмаймыз ғой. Шамамыз келгенше көмектесеміз. Қолымыздан келгенше көмектесейік деп жатырмыз. Жанағы бір тамшы болса да үлесімізді қосайық деген ойымыз бар енді ел қиналып жатқаннан кейін.

Қуаныш Қанатұлы