Ұлттық спорт туралы заң жобасы әзірленеді

Елімізде ұлттық спорт туралы заң жобасы әзірленеді. Бұл туралы V-ші Дүниежүзілік көшпенділер ойындарына дайындық барысын талқылауға арналған дөңгелек үстелде айтылды. Ұлттық спорт қауымдастығының басшысы Исламбек Салжановтың айтуынша, саланы реттейтін бірде-бір заң қабылданбаған.

Онсыз саланы сапалы, тиімді дамыту мүмкін емес, деді. Жиында, қауымдастықтың көмегімен сенат депутаттары қостанайлық жылқы тұқымын сақтау және өсімін молайту жөніндегі заңға бастамашы болғаны сөз болды. Құжат Мәжілістің қарауында жатыр.