Қостанай жылқысының бәйгесі өтті

«Қостанай» жылқысының республикалық бәйгесі өтті. Ат жарысы 18 шақырымға дейін созылды. Жүлде қоры 19 млн теңге. Мұндай сайыс алғаш рет 2022 жылы ұйымдастырылған. Оған қырық ат қосылған еді. Биылғы бәйгеге 70-тен астам арғымақ шықты. Тобыл өңірінде қылқұйрықтың осы тұқымын шығару жұмысы 1887 жылы басталып, 1951 жылы аяқталған. 1965 жылы Қостанай жылқысы 45 мыңға болса, қазір олардың саны 300-ге жетпейді. Сондықтан оның тұқымын сақтап, көбейту үшін арнайы заң жобасы дайындалды. Бұл жоба жуырда Парламенттің төменгі палатасында мақұлданып, Сенатқа жіберілді.

Тастанбек Есентаев, ҚР Ұлттық спорт қауымдастығының вице-президенті:

Және республикалық комиссияның шешімімен Қостанай жылқысын субсидиялауға 600 млн теңгеге жуық ақша бөлінді. 5 жылға. Осыны Қостанай жылқысымен айналысып жатқан, шаруалар, қожалықтардың алуына мүмкіндіктері бар.

Дәуренбек Әбдібек