Мемлекет басшысы Ұлттық қауіпсіздік комитетінің төрағасы Ермек Сағымбаевты қабылдады

Экстремистік көзқарастағы 139 шетелдік Қазақстанға кірмек болған. Олардың жолын кестік деген Ұлттық қауіпсіздік комитетінің төрағасы Ермек Сағымбаев бүгін Президентке есеп берді. Оның айтуынша, күдікке ілінген тағы 280-нан астам шетелдік елден шығарылып, 19-ы жауапқа тартылған. Сондай-ақ тыйым салынған діни әдебиеттерді Қазақстанға заңсыз әкелуге қатысты да 190-нан астам дерек тіркеліп, тосқауыл қойылған. Заңсыз айналымдағы 5 мыңға жуық оқ-дәрі, қару-жарақ пен жарылғыш заттар тәркіленген. Кездесу соңында Қасым-Жомарт Тоқаев терроризмге қарсы іс-қимыл саласындағы жұмыстарды күшейту жөнінде бірқатар тапсырма берді.

Нұрсұлтан Тілектес