Президент Бақтықожа Ізмұхамбетовті қабылдады

Мемлекет басшысы Мәжіліс депутаты, «Ардагерлер ұйымы» қоғамдық бірлестігінің төрағасы Бақтықожа Ізмұхамбетовті қабылдады. Оның сөзінше ардагерлер ұйымы қазір 2 жобаны жүзеге асырып жатыр. «Дәнекер» бастамасы арқылы соңғы 4 жылда 4,5 мыңнан астам дау сотқа жетпей, келісім арқылы шешілген. Ал мұқтаж азаматтарға әлеуметтік қолдау көрсетуге бағытталған «Іскерлік және жанашырлық» жобасы Атырау, Солтүстік Қазақстан және Қызылорда облыстарында іске асырылып жатыр. Кездесуде Бақтықожа Ізмұхамбетов мұнай-газ, ауыл шаруашылығы саласындағы мәселелерге қатысты ұсыныстарын айтты.

Бақтықожа Ізмұхамбетов, ҚР Парламенті Мәжілісінің депутаты, «Ардагерлер ұйымы» қоғамдық бірлестігінің төрағасы:

Президентке Парламент мәжілісі төрағасы жанындағы депутаттық этика жөніндегі жасалып жатқан жұмыстарды баяндадым. Одан басқа еліміздің аймақтарда ардагерлер кеңестерінің жасап жатқан жұмыстарын, елдегі тұрақтылық үшін жүріп жатқан ахуалды айттым. 

Шерхан Жамбылұлы