Еліміздегі ең үздік велотрек кешенінде жаттығу орталығы ашылады

Астанадағы спорт нысанында Азия елдерінің кәсіби, әуесқой велошабандоздары келіп, тың тәжірибесімен бөліседі. Бұл туралы Азия велоспорт федерациясының өкілдері айтты. Кездесуде Азиядағы тас жол велоспортын дамыту бойынша кешенді бағдарлама құру ұсынылды.

Сондай-ақ, Әлем чемпионаттары мен Олимпиада ойындары сияқты ауқымды спорттық іс-шараларға Азия құрлығынан комиссиар тағайындауды қозғады. Бұл кәсіби спорттың дамуына қуатты серпін бермек, деді ұйымдастырушылар.

Райымбек Баталов, Қазақстан велоспорт федерациясының төрағасы

Біз велоспорт бойынша Азия елдері арасында көш басында тұрмыз. Алдағы уақытта спорттың басқа да түрлерінен алда болып, мотокросс, фристайл секілді салаларды дамытамыз деп сенемін. Сондай-ақ, «Астана» командасының спортшылары әлем велошабандоздарымен бірлесіп жұмыс істеуге, тәжірибе алмасуға әрқашан дайын.