Шымкентте 8 есе арзанға сатылған мұз сарайы мемлекет меншігіне қайтарылды

Шымкент қаласында мұз сарайы мемлекет меншігіне қайтарылатын болды. Сыбайлас жемқорлыққа қарсы іс-қимыл агенттігі Шымкент қаласы бойынша департаментінің басшысы Дәурен Ерғарин сот үкімімен нысанды сатып алу және сату шартының күші жойылғанын хабарлады. Мегаполистегі қысқы спорт түрлерімен шұғылданатын жалғыз сарай, осыдан 7 жыл бұрын небәрі 128 миллион теңгеге жекеменшікке сатылып кеткен болатын. Электронды аукцион кезінде сарай бастапқы бағасынан 8 есе арзанға бағаланған. Ал жергілікті әкімдік нысанның 67 пайызы өз иелегінде бола тұра, оны жалдауға бас-аяғы 1 миллиард теңгеден астам қазына қаржысын жұмсаған. Мұз сарайын мемлекет меншігіне қайтару туралы сот шешімі әлі күшіне енген жоқ.

Ғани Қалмаханов