Арыста әскери бөлім аумағында үш адам көз жұмды

Бүгін Арыста әскери бөлімде үш адам көз жұмды. Тағы екі адамның жағдайы ауыр. Қорғаныс министрлігінің ақпаратынша, қайғылы жағдай кәріз құдығын тазалау кезінде болған. Абайсызда құдыққа жұмысшы құлап, оған көмекке екі жұмысшы мен екі әскери қызметші келген. Алайда, кәріз газына уланған 3 адам құдықтан шыға алмай, оқиға орнында жан тапсырды. Оның бірі - жұмысшы, екіншісі - әскери қызетші. Ал, Арыстағы ауруханаға жеткізілген екі адамның жағдайы орташа ауыр. Қылмыстық іс қозғалды. Тергеу «еңбекті қорғау ережелерін бұзу» фактісі бойынша басталды. Қорғаныс министрлігі мен Қарулы күштердің жеке құрамы қаза тапқандардың туыстары мен жақындарына қайғыра көңіл айта отырып, барлық қажетті көмек көрсетілетін жеткізді.

Самал Қабышева