Астанада жауын салдарынан бірнеше көшені су басты

Астанада да кеше кешкісін жауын құйды. Осының салдарынан бірнеше көше суға толды. Мына кадрларды тұрғындар түсіріп, әлеуметтік желілерде жариялаған. Жаяу жүргіншілер су кешіп жүруге мәжбүр болды. Көліктердің де қозғалысы қиындап, кептеліс пайда болды. Желі қолданушылары автобустар жолаушыларды көлкіген судың үстіне қалдырып жатқанын жазды. Қолайсыз ауа райынан такси бағасы екі есе өсіп кеткеніне де наразылықтарын білдірді. 

Торғын Мелісқызы