V Дүниежүзілік көшпенділер ойынына қатысатын асықшылар Бурабайда дайындалып жатыр

Астанада өтетін V Дүниежүзілік көшпенділер ойынына қатысатын асықшылар Бурабайда оқу-жаттығу жиынын өткізіп жатыр. Қазақстанның намысын қорғайтын ойыншылар «Асық ату» және «Бес асықтан» дайындықтарын пысықтауда. Негізгі құрамадан көшпенділер ойынына қатысатын 4 ер мен 4 әйел іріктеліп алынған. Олардың шеберліктерін жетілдіру мақсатында күніне екі рет қызу дайындық жүріп жатыр. Негізгі мақсатымыз - «Асық атудан», «Бес асықтан» бас жүлдені жеңіп алу, - дейді бас бапкер. Бурабайдағы оқу-жаттығу жиыны 24-ші шілдеге дейін жалғасады. Құраманың бас бапкері Жомарт Сабыржанов онлайн режимде шетелдік командаларға да асық ойындарының ережесін, ерекшелігін түсіндіріп жүр.

Жомарт Сабыржанов, Асық атудан құрама команданың бас бапкері:

Жалпы асықтың насихаты жаман емес. Бүгінде 90 мыңдай жастар асық атумен айналысады. 1119 бапкеріміз бар. 20 өңірдің 18-де өзіміздің федерациямызды аштық. 60-тан аса асық атудан, бес асықтан Қазақстан Республикасының спорт шебері деген атақтары бар. Соның ішінде 2 халықаралық дәрежедегі спорт шеберлеріміз бар.