Түркістанда экологиялық акция аясында жалпыхалықтық сенбілік өтті

Бүгін Түркістан қаласында ауқымды сенбілік өтті. Шараға қаланың ақсақалдары, ерікті жастары және шаһар тұрғындары қатысты. Жалпы 1 мыңнан аса азамат «Жеңіс» саябағы және өзге де демалыс орындарында тазалық жұмыстарын жүргізді. Шара мақсаты – рухани астана тұрғындарын тазалыққа үйрету және әрбір азаматтың еңбегін бағалау. «Таза Қазақстан» экоакциясы аясында Түркістанда біршама жұмыс атқарылды. Бүгінгі күнге дейін 100-ден аса тазалық шарасы өтіп, апта сайын 10 мыңға жуық тұрғын сенбілік жұмыстарын жүргізді.

Ғабит Ұзақбай