Филиппин астанасы Маниланы су басты

Филиппиннің 13 миллион адам тұратын астанасы мен солтүстігіне «Гаеми» тропикалық дауылы соққы берді. Оның үстіне, бұл провинцияларға муссон жаңбыры құйған. Соның салдарынан ел астанасы Маниланы топан су басты. Алапат тасқыннан көлік қатынасы тежеліп, тұрғындар тізеден су кешіп жүр. Табиғи апатқа байланысты президент кеңсесі барлық оқу орындарында сабақты доғарып, мемлекеттік мекемелердің көбінде жұмыс тоқтатады. Айта кетсек, сағатына 155 шақырым жылдамдықпен жылжыған «Гаеми» қазір Тайваньға беттеп барады.

Арыстан Рысбек