Президент Қорғаныс министрі Руслан Жақсылықовты қабылдады

Мемлекет басшысы Қорғаныс министрі Руслан Жақсылықовты қабылдады. Қасым-Жомарт Тоқаевқа биылғы бірінші жартыжылдықта атқарған жұмыстар туралы мәлімет берілді. Сондай-ақ министр әскери қызметшілер мен зейнеткерлерді әлеуметтік тұрғыдан қолдауды арттыру шаралары туралы айтты. Халықаралық оқу-жаттығу жиындарының нәтижелері, жауынгерлік дайындыққа жаңа әдістер енгізу жөнінде баяндады.

Кездесу соңында Жоғарғы Бас қолбасшы Қорғаныс министріне Қарулы Күштердің әлеуетін одан әрі дамытуға бағытталған бірқатар тапсырма берді.

Самал Қабышева