Алматы облысында балаларды ұрып-соққан ер адамға қатысты тергеу аяқталды

Алматы облысында үйге басып кіріп, балаларға тап берген адамға қатысты тергеу аяқталды. Прокуратура мәліметінше, үйге баса-көктеп кірген күдіктіге үш бап бойынша айып тағылып, тергеу жүргізілген. Зорлау дерегі бойынша да қылмыстық іс қаралған.

Айта кетсек, биыл ақпан айында Жамбыл ауданында белгісіз біреу кәмелетке толмаған төрт баланы байлап, ұрып, қинап, пышақпен қорқытқан. Оқиға кезінде жасөспірімдердің шырылдаған даусын естіген көршілері жүгіріп келіп, араша түскен. Күдікті сол сәтте қашып кеткенімен, артынша ұсталып, қамауға алынған. Балалардың үлкені 13 жаста. Қалғаны 12, 10 және 8-де.

Қуан Нұрақын