Мәдениет және ақпарат министрлігі мен Қазақстан Жазушылар одағы үш жобаның тұсауын кесті

«ТМД елдерінің архивтеріндегі қазақстандық жазушылардың зерттеу жұмыстары», «Жазушылардың әдеби шеберлік мектебі» және «Жаңа Қазақстанның әдеби-танымдық панорамасы». Мәдениет және ақпарат министрлігі мен Қазақстан Жазушылар одағы үш жобаның тұсауын кесті. Сондай-ақ «Жазушылар одағына үміткер» деген жоба да жұртқа таныстырылды. 12-18 жас аралығындағы бір топ талантқа куәлік табысталды. 20 жас қаламгер ертеңнен бастап түрлі лекциялар тыңдайды. Еліміздің жазушыларынан бөлек Ресей, Түркияның ғалымдары да білгенін үйретпек.

Мереке Құлкенов, Қазақстан Жазушылар одағының төрағасы:

Талантты балаларды жас кезінен тәрбиелеп, қолдау Қазақстан Жазушылар Одағының бірінші міндеті деп есептеймін. Сондықтан бұл да бір үлкен бағдарлама болғалы тұр. Негізінен үш жобаның басталып жатқаны – Қазақстан жазушылары үшін үлкен белес.

Қуан Нұрақын