Несиенің жылдық сыйақы мөлшерлемесі 10% төмендеді

Елімізде несиенің жылдық тиімді сыйақы мөлшерлемесі 10% төмендеді. Яғни бұрын 56% болса, жаңа жылдық тиімді сыйақы мөлшерлемесі 46% болды. Сондай-ақ банктердің кепілсіз беретін тұтынушылық несие сомасы да өзгерді. Енді кредит көлемі – 8 миллион 122 мың теңгеден аспауы тиіс. Ал кепілмен берілетін қарыз сомасы шексіз. Сонымен қатар шағын кредиттік ұйымдардың қарыздық шегі де бекітілді. Несие сомасы – 4 миллион 61 мың теңгеден көп болмауы керек.

Нұрбол Райымқұл, ҚР Қаржы нарығын реттеу және дамыту агенттігінің бас маманы:

Аталған өзгерістер жалпы қарыз алушылардың борыштық жүктемесіне оң әсерін береді. Және халықтың шамадан тыс кредит алуға жол бермеуіне өзінің әсерін береді деп ойлаймыз. Ипотекалық қарыздардың жылдық сыйақы мөлшерлемесі 25 пайыз деңгейінде қалды.

Айдана Қуантхан