Жетісу облысында «Мектепке жол» шарасы өткізілді

Жетісу облысында «Мектепке жол» акциясына өңірде тұратын өзге этнос өкілдері белсенді қатысып жатыр. «Нахичеван» әзербайжан этно-мәдени бірлестік мүшелері Көксу ауданында екі мектеп оқушыларына оқу құралдары мен сөмкелер табыстады. Ауданда шамамен 2,5 мыңдай әзербайжан ұлтының өкілі тұрады. Бауырлас халық тұрақты түрде көпбалалы отбасыларға, жалғыз басты аналарға, мұқтаж жандарға қолдау көрсетіп келеді.

Гечумад Алмамедов, Жетісу облыстық әзербайжан этно-мәдени бірлестігі ақсақалдар кеңесінің төрағасы:

Көп көмек жасау керек. Аз болса да, жақсылап жасап, балаларды қуантқымыз келеді. Сабақтары басталар алдында оларға күш-қуат беріп, жақсылап оқысын деп тілейміз.

Қуаныш Қанатұлы