Сарапшы: Президенттің Тәжікстанға сапары экономикалық байланысты жаңа деңгейге көтереді

Мемлекет басшысының Тәжікстанға сапары екі ел кәсіпкерлері арасындағы байланысты нығайтып, сауда- экономикалық алыс-берістің көлемін арттыруы тиіс. Сарапшылар осындай пікірде. Қазірдің өзінде екі жақты тауар айналымы 1,5 млрд долларға жеткен. Қазақстан Тәжікстанның ТМД-дағы негізгі инвесторы және транзиттік елі ретіндегі рөлін сақтай отырып, Орталық Азиядағы ықпалын арттыруға да мүмкіндік бар,- дейді мамандар.

Жанат Момынқұлов, ҚР Президенті жанындағы Мемлекеттік басқару академиясының бас ғылыми қызметкері:

Президентіміздің Тәжікстанға сапары саяси жағынан да, экономикалық жағынан да маңызы зор. Орталық Азияда ынтымақтастықты дамыту аясында Тәжікстанмен былтыр одақтастық қарым-қатынас туралы келісімге қол қойылған болатын. Тауар айналымын екі есе арттыру, 2 млрд долларға жеткізу және де бүкіл салалар бойынша қарым-қатынастарды жаңа деңгейге шығару.

Серік Жұмабек