АҚШ-тың Массачусетс штатында масадан қауіпті вирус тарап жатыр

АҚШ-тың Массачусетс штатында масалардан жұғатын қауіпті вирус белең алды. Ауру «шығыс жылқы энцефалитеті» деп аталады. Ауру белгілеріне, жоғары дене қызуы, бас ауру, жүрек айну, іш өту және ұйқышылдық кіреді. Вирус Бостон қаласының 80 жастағы тұрғынынан анықталған. Қазір қауіпті аурудың таралуын тоқтату үшін тиісті шаралар қолға алынған. Ашық ауада іс-шаралар өткізуге тыйым салынды. Кешкі уақытта саябақтар жұмыс істемейді. Дәрігерлердің айтуынша, өлімге әкелетін сирек жұқпалы вирустың тарауын ғаламдық жылыну құбылысы тездете түскен.

Арай Төлегенқызы