Денсаулық сақтау министрлігі маймыл шешегінен қорғанудың жолдарын ұсынды

Денсаулық сақтау министрлігі маймыл шешегінен қорғанудың жолдарын ұсынды.

Ауырған адамдарға және инфекция жұқтырған жануарларға жоламау керек. Вирусты маймыл, егеуқұйрық, тиін және басқада жабайы жануарлар тасымалдауы мүмкін. Жануарларға күтім жасау кезінде бетперде мен қолғап кию қажет. Гигиенаны қатаң сақтау керек. Қолды сабынмен жиі жуып, дезинфекциялық құралдарды қолдану маңызды. Себебі, бұл зат инфекцияның таралу қаупін азайтуға көмектеседі. Маймыл шешегінің белгілері: дене бөртеді, қызу көтеріледі, бойда әлсіздік пайда болады, бас ауырады. Мұндай жағдайда жедел дәрігерге қаралу керек.

Самал Қабышева