Жетісу облысында есірткі сатқан 15 адам ұсталған

Жетісу облысында есірткі сатып, пайдаға кенелем деген 15 адам құрықталды. Бұл биылғы жылдың есебі. Ал былтыр 17 адам ұсталған еді. Өңірде жедел-профилактикалық шара өтіп жатыр. Тәртіп сақшылары оқу жылы басталғалы Талдықорғандағы оқу орындарының жатақханаларына тексеру жүргізді.

Иісшіл итпен студенттердің бөлмелерін тінтіп, арнайы мамандар жастармен сұхбат жүргізді. Рейд барысында құқық бұзу фактілері тіркелмесе де, тәртіп сақшылары мұндай шұғыл шаралар алдағы уақытта да жалғасатынын айтты.

Меруерт Ысқақова, Жетісу облыстық ПД есірткі қылмысына қарсы іс-қимыл басқармасының аға жедел уәкілі:

Былтыр екі кәмелетке толмаған жас бала болған. Олардың біреуі Алматы облысы, Іле ауданының кешкі мектеп оқушысы Талдықорған қаласына келіп, пәтер жалдап синтетикалық есірткіні жасырған. Яғни закладчик болып істеген. Екіншісі Текелі қаласының 18 жастағы закладчигі ұсталды.

Қуаныш Қанатұлы