Жамбыл облысында тарихи кешендердің аумағы тазартылды

Жамбылда тарихи ескерткіштер маңы қоқыс қалдықтарынан тазартылды. Бұл жолғы «Таза Қазақстан» жалпы ұлттық экологиялық акциясына Аманат партиясының «Жастар рухы» жастар қанаты бастамашы болды. Оған Қаратау қаласынан 130-ға жуық адам қатысты. Табиғат жанашырлары Тамды қалашығы, Батырлар алаңы, Семей полигоны мен Чернобыль апатына қатысқан азаматтарға арналған тарихи кешендердің аумағын тазартты. Белсенділер 4 тоннаға жуық қоқыс шығарды.

Доғдырбек Мәселбеков, «Amanat» партиясы талас аудандық филиалының төрағасы:

Бұл акция уақытша емес. Ұлттың денсаулығы тазалықтан басталады. Сондықтан бүгінгі ұйымдастырылып, жүргізіліп жатқан жұмыстар бұл тек қана мынау тазалық жүргізу емес сонымен қатар бұл жастардың бойында, жалпы азаматтардың бойында тазалық мәдениетін қалыптастыру.