Маңғыстау өңірінде «Таза Қазақстан» экологиялық акциясы жалғасып жатыр

Маңғыстау өңірінде «Таза Қазақстан» республикалық экологиялық акциясы аясында сенбілік жалғасып жатыр. Бүгін «Біз адамдар – біз біргеміз» қайырымдылық қорының үндеуін 50-ге жуық ерікті қолдап, тазалық жұмыстарына белсенді қатысты. Қаладан 45 шақырым қашықтағы аймақты тазалады.

Иманғазы Досмұхамбетов, «Біз адамдар - біз біргеміз» қайырымдылық қорының директоры:

Мұнда көптеген бөтелкелер бар, оның ішінде пластикалық бөтелкелер. Біз қазір қоқыстарды бөлек-бөлек жинаймыз, яғни қағаздарды өз алдына, пластикалық бөтелкелер мен шыныларды бөлек сұрыптаймыз.

Ел ішінде экологиялық мәдениет қалыптасып келеді. Халық пікірі осындай. Елімізді тазалықтың үлкен үлгісі болатын мемлекеттің бірі ретінде мысал етуге болады. Бұған ел көлемінде өтіп жатқан «Таза Қазақстан» акциясының ықпалы зор, дейді ел азаматтары.