Боливияда биыл өрт саны рекордтық деңгейге жетті

Боливияның Бени аймағында алапат орман өрті фермаларды шарпып жатыр. Соңғы мәліметке қарағанда, лапылдаған жалыннан 30 сиыр өлген. 35-і жараланған және де бірталай жұмысшы түтіннен уланған. Сонымен қатар ранчоларда малмен бірге жем-шөп пен су қоймалары да жойылып жатыр.

Анд тауының баурайындағы Боливияда биыл өрт саны рекордтық деңгейге жетті. Бұған ең алдымен қуаңшылық себеп. Айта кетсек, соңғы апталарда Бразилия мен Перуде де сан мың гектар жасыл желек күлге айналған.

Арыстан Рысбек