Мемлекет басшысы жұмыс сапарымен Түркістан облысына барды

Мемлекет басшысы жұмыс сапарымен Түркістан облысына барды. Қасым-Жомарт Тоқаев тұтас түркі жұртының төрі саналатын Түркістанға сапарын Қожа Ахмет Яссауи кесенесіне зиярат етуден бастады. Ұлы ғұламаның және кесене аумағында жерленген басқа да тарихи тұлғалардың рухына тағзым етіп, құран бағыштады. Одан соң Президент аймақтағы білім беру, мәдениет және спорт нысандарын аралап көреді. Сондай-ақ бірқатар кәсіпорынға барып, өңірде жүзеге асырылып жатқан инвестициялық жобалармен танысады.

Оңғар Алпысбайұлы