Астанада республикалық зияткерлік сайыстың финалы басталды

«Aqyl Battle Cup» Республикалық зияткерлік сайысының финалы басталды. Бұған дейін қатысушылар онлайн форматта «Aqyl Battle» мобильді қосымшасы арқылы және квиз форматында іріктеу кезеңдерінен өткен. Финалда 20 облыстан 20 команда, жалпы 60 адам бақ сынайды. Білімділер бәйгесіне 14-35 жас аралығындағы жастар қатысып жатыр. Жүлде қоры 3 млн 600 мың теңге.

Бибінұр Шербаева, «Aqyl Battle Cup» жобасының жетекшісі:

Осы жылғы біздің зияткерлік ойынның ерекшелігі - көршілес мемлекет Өзбекстан республикасынан «Zakovat» клубынан қонақ команда қатысып отыр. «Zakovat» 25 жылдық тарихы бар Орталық Азияда танымал зияткерлік ойынының бірі. Болашақта біз серіктес ретінде жұмыс жасағымыз келеді. Алдағы уақыттағы біздің мақсатымыз осы зияткерлік ойын барлық Түркі халықтарының жастарын біріктірсе екен, жалпы қазақ тілі болашақта ғылымның, техниканың тілі болса екен деген мақсатпен осы шара өтіп отыр.

Серік Жұмабек