Басты Жаңалықтар Қазақстанда 100 жастан асқан 423 адам бар

Қазақстанда 100 жастан асқан 423 адам бар

30.09.2024 20:42

Ал, елімізде 100 жастан асқан 423 қария бар. Еңбек және халықты әлеуметтік қорғау министрлігінің мәліметінше, ең көп өмір сүретіндер Түркістанда тұрады. Онда 100 жастан асқан 64 адам бар. Екінші орында Алматы қаласы. Мұнда ғасыр жасаған 48 тұрғын тіркелген. Үшінші орынға жайғасқан Алматы облысында 100 жастан асқан 38 адам тұрады.

Ал, жасы ең үлкен қария Ұлытау облысында. Кейуана биыл 114 жасқа толған туған күнін атап өтті. Павлодар тұрғыны 112 жаспен екінші орынға тұрақтаса, үздік үштікті 110 жастағы Түркістан тұрғыны түйіндеген. Еске салайық, ертең елімізде Халықаралық қарттар күні атап өтіледі.

Серік Жұмабек