Жітіқарада үй өртеніп, бес бала қаза тапты

Қостанай облысы Жітіқарада жер үй өртеніп, бес бала қаза тапты. Бесеуі де кәмелет жасына толмаған. Қызыл жалынның құрбаны болған балалардың ең кішісі бір жаста ғана. Өрттен үйдің 13 жастағы үлкені ғана аман қалған. Баспана таңға жуық отқа оранған. Сол кезде үйде балалар ғана болған. Анасы танысына кеткен. Ал әкелері түрмеде екен. Болжам бойынша, өрттің шығуына пешті қараусыз қалдыру себеп болған. Қылмыстық іс қозғалды. Тергеу барысын Бас Прокурор бақылауына алды.

Самал Қабышева