ШЫҰ-ға мүше мемлекеттердің байланысы одан әрі тереңдей түседі

Шанхай ынтымақтастығы ұйымына мүше мемлекеттердің байланысы одан әрі тереңдей түседі.

Ұйымға мүше елдердің үкімет басшыларының кеңесінде бұған дейін қол жеткізілген уағдаластықтарды іске асыру жолдары талқыланды. Қазақстан тарапы цифрландыру мен онлайн-сауда, көлік-логистика, энергетика және инвестиция салаларына қатысты бірқатар ұсыныс айтты. Отырыс қорытындысы бойынша 8 құжатқа қол қойылып, «Жаңа экономикалық диалогты» дамыту тұжырымдамасы қабылданды.

Осы кеңес аясында Олжас Бектенов Пәкістан Премьер-министрімен жеке кездесу де өткізді. Екі ел сауда-экономикалық және мәдени-гуманитарлық қатынастардың барлық спектрі бойынша өзара іс-қимылды кеңейтуді жалғастыратын болып келісті.

Оңғар Алпысбайұлы