«Оскар» дауылынан 6 адам қаза тапты

Кубада тропикалық «Оскар» дауылынан 6 адам қаза тапты. Аралдық мемлекеттің шығысында нөсер жауын жауып, күшті жел тұрған. Дүлей дауылдан әсіресе Гуантанамо провинциясы зардап шеккен. Мұнда алапат тасқын жүрді.

Миллиондаған тұрғын әлі электр жарығынсыз отыр. Үкімет құтқару және шығындарды санау жұмыстары жалғасып жатқанын мәлімдеді. Онсыз да қиын кезеңді бастан өткеріп жатқан елде азық-түлік, отын және дәрі-дәрмек тапшы.

Арай Төлегенқызы